Programas educativos

Destacamos e deixamos o enlace dunha serie de programas educativos:

- Sebran’s ABC, deseñado por Marianne Wartoft é un programa de distribución libre

Sebran ABC’s é un programa educativo destinado á infancia dos primeiros cursos de Educación Primaria, deseñado coma complemento de repaso no ámbito de lectura, matemática e memoria. Hai 12 diferentes exercicios para divertirse aprendendo. 

É compatible co sistema operativo de Windows.

Precisa de rato e teclado.

Ocupa 928 KB

Idiomas: Castelán, catalán, inglés, francés, alemán e moitos máis.

Este programa educativo é de manexo sinxelo, xa que non require de grandes coñecementos informáticos, tan só mover o rato ás imaxes e empregar o teclado. A apariencia é sinxela, ten imaxes e sons moi básicos que fan que sexa un programa claro. O sistema de acerto-erro baséase nun icono de cara sorrinte ou triste, a oportunidade de acertar é ilimitada, xa que podes intertar respostar ata que des coa opción correcta. 

As actividades son bastante simples e concisas, aínda que posúen varios niveis de dificultade. Este programa esta dirixido a un só individuo e resulta un pouco repetitivo despois de utilizalo varias veces. 

Podédelo descargar nesta ligazón: Sebran's ABC

- ZAC Browser, deseñado por People CD Inc. é un navegador de distribución libre.

ZAC Browser é un navegador adaptado especialmente para rapazas e rapaces co Trastorno do Espectro Autista (TEA). Permite o acceso a Internet de maneira sinxela e segura, limitando o contido deste e enfocándoo a contidos de interese coma xogos e actividades educativas.

É compatible co sistema operativo de Windows, Mac, Android e iPad

Precisa de rato

Ocupa 13 MB

Idiomas: Castelán, inglés, francés

Resulta un programa de manexo sinxelo adaptado ás características e necesidades de persoas con TEA. Resulta moi atractivo, seguro e intuitivo para calquera individuo. Hai unha aplicación chamada ZAC Picto destinada ás familias, educadores e terapeutas. Reduce o número de controis de interfaz de usuario e elimina o acceso á gran parte da web para simplificar e facilitar o movemento pola rede.

Este sistema de navegación está cargado de imaxes e vídeos para facilitar o seu uso. Os iconos cambian, mais sempre están na mesma orde de navegación, e non hai texto. Ten a posibilidade de interatuar directamente con moitas actividades e xogos. 


Podédelo descargar nesta ligazón: ZAC Browser